Witej gościu na mojyj stronie kero jest szkryflano we gwarze slonskyj.

Tom gwarom godali my w doma godali niom łojcowie i starzyki i we takyj gwarze jo synek

ze Fryny zech sie wychowoł.

Zaproszom do czynstego łodwiedzanio

Nasze familoki w latach 1960, przed wojną Parkstrase, po wojnie ul.Ligonia a za komuny ul.Warynskiego

Po lewyj stronie familoki a po prawyj chlywiki w kerych kożdy coś tam chowoł, króliki, kury, gynsi i świnie a gołembiorze mieli nad chlywikami na górkach gołembie. Przed chlywikami widac klopsztangi na kerych nie ino sie klupalo kloprym dywany ale w soboty rano boło widac jak wiszom na nich świeżo zabite świnie łowiniete w biołe płachty. Po czasie masorz je rozbieroł i wyrobioł dobre krupnioki i żymloki. Mama zawsze w takym dniu godala wez zbonek i idz do Cieśliczki bo tam dzisioj jest świniobicie i przinieś zupy po krupniokach - a bolo fajnie jak sie w tyj zupie znodł jakiś pukniety krupniok. Zawsze my zbierali w sieni do kibla łoszkrabiny i inksze resztki z jedzenio, beztoż dostali my potym po krupnioku abo i żymloku. Fajne i niezapomniane czasy.